Бишкек, 23.06.26. /Кабар/. Президенттин Талас облусундагы ыйгарым укуктуу өкүлү Эрмат Жумаев облус аймагында катталган сел кырсыктарынын кесепеттерин жоюу жана жабыркагандарга жардам көрсөтүү маселелери боюнча жыйын өткөрдү.
Өкүлчүлүктөн билдиришкендей, ага Өзгөчө кырдаалдар министрлигинин облустук башкармалыгынын жетекчилиги, район акимдери жана тиешелүү кызматтардын башчылары катышты.
Жыйында тиешелүү кызматтарга селдин кесепеттерин ыкчам жоюу жана жабыркаган жарандарга көмөк көрсөтүү боюнча тапшырмалар берилди.
Ошондой эле 20–21-июнь күндөрү облус аймагында катталган сел кырсыктары, жабыркаган аймактардагы абал, жүргүзүлүп жаткан авариялык-куткаруу жана калыбына келтирүү иштери тууралуу кеңири маалымат угулду.
Мындан тышкары, өзгөчө кырдаалдардын алдын алуу боюнча тиешелүү мекеме-уюмдардын жетекчилерине бир катар милдеттер жүктөлдү.
