Ысык-Көл, 02.08.26. /Кабар/. Суудагы “Формула-1” боюнча дүйнө чемпионатынын этабы Ысык-Көлдө жыйынтыкталды. Мелдеш 31-июлдан 2-августка чейин созулуп, Борбор Азияда биринчи жолу өткөрүлдү. Бул ири эл аралык мелдеш мыкты пилотторду, командаларды жана миңдеген көрүүчүлөрдү чогултуп, эң кызыктуу спорттук иш-чараларынын бирине айланды.
Үч күндүн ичинде спортчулар суудагы өзгөчө чеберчиликти, ылдамдыкты жана кызыктуу мелдешти көрсөтүштү. Финалдык жарыштардын жыйынтыгында Шон Тарентта Гран-прини утуп алды.
Ысык-Көлдө дүйнө чемпионатынын этабын өткөрүү аймак үчүн тарыхый окуя болду. Турнир дүйнө жүзүндөгү суу-мотор спортунун күйөрмандарынын көңүлүн буруп гана тим болбостон, эл аралык мелдештердин жогорку деңгээлде уюштурулганын көрсөттү. Ошондой эле бул спорттун өнүгүшү үчүн жаңы мүмкүнчүлүктөрдү ачып, кызматташтыкты бекемдеди.
