Бишкек, 24.01.25. /Кабар/. Ош шаарынын жаңы дайындалган мэри Жеңишбек Токторбаев шаардагы оңдолуп жаткан жолдордун абалы менен таанышты.
Муниципалитеттен билдиришкендей, ал Мамыров, Амир-Тимур, Көкүмбий көчөлөрүндө болуп, реконструкция иштеринин жүрүшүн көрүп чыкты.
Шаар башчысы мындан сырткары, Ы.Монуев, А.Шакиров, Алимжанов көчөлөрүнүн кесилишинде жаңыдан курулуп жаткан эки деңгээлдүү жолдун жана өтмөктүн курулушу менен дагы таанышты.
Ош шаарынын мэри курулуш иштерин сынга алып, жумуштар жай жүрүп, мындан улам элдин нааразычылыгы жаралып жатканын билдирди.
Ошондой эле бул долбоор катуу көзөмөлгө алынарын баса белгилеп, жол түйүнүн куруу иштерин тездетүү боюнча чукул тапшырмаларды берди.
