Бишкек, 02.02.26. /Кабар/. Ош шаарында "Жекелик" каналынын жээги көрктөндүрүлөт. Бул тууралуу мэриядан билдиришти.
Маалыматка ылайык, мэр Жеңишбек Токторбаев кезектеги рейдде Масалиев көчөсүндө жайгашкан "Жекелик" каналынын эки жээгин көрктөндүрүп, гүл бакча куруу боюнча долбоор иштеп чыгууну тиешелүү кызматтарга тапшырды.
Мындан тышкары, каналдын үстүнө жана корук аймагына мыйзамсыз курулган коммерциялык багыттагы бир катар объекттерди алып салуу, аймакты шаардык архитектуралык жана экологиялык талаптарга ылайык иретке келтирүү боюнча тапшырмалар берилди.
