Бишкек, 13.03.25. /Кабар/. Ош-Баткен-Раззаков унаа жолунун жээгине “Жашыл Мурас” улуттук өнөктүгүнүн алкагында көчөттөр отургузулууда.
Транспорт жана коммуникациялар министрлигинен билдиришкендей, жумуштар № 21 Жол тейлөө ишканасы тарабынан жолдун 13-14-чакырымдар аралыгында жүрүп жатат. Аталган аймакка жалпы 230 даана көчөт тигүү пландалган.
Ушундай эле иштер № 38 ЖТИ тарабынан Таш-Көмүр-Кызыл-Жар унаа жолунун 136-140-чакырымдар аралыгында жүрүүдө.
Белгиленгендей, аталган аймакка жол жээгин жашылдандыруу максатында каражыгач, жаңгак көчөттөрү отургузулуп жатат.
Ошондой эле, Жалал-Абад облусунун Ноокен районуна караган Рахманжан-Кара-Булак жолунун жээгине 100 даана жаңгак көчөтү тигилип, айлана-чөйрөнү тазалоо иштери жүрдү. Жумуштар № 51 Жол тейлөө ишканасы тарабынан аткарылды.
Белгилей кетсек, “Жашыл Мурас” улуттук өнөктүгүнүн алкагында жол жээгин жашылдандыруу иштери башка аймактарда да уланат.
