Бишкек, 05.02.25. /Кабар/. АКШнын Огайо штатындагы ишканадагы атышууда бир киши көз жумуп, 5 адам жаракат алды.
NBC4i порталы кабарлагандай, атышуу Нью-Олбани шаарындагы косметика каражаттарын чыгарган ишкананын кампасында болгон.
Жаракат алган беш жумушчу ооруканада, азырынча абалдары тууралуу маалымат айтыла элек.
Полиция шектүүнүн өздүгүн тактап, камакка алуу үчүн издөө жарыялады.
