Бишкек, 18.09.25. /Кабар/. VI Дүйнөлүк көчмөндөр оюндарынын ачылыш аземине жети аймакты бириктирген “Кербен” долбоору кошулууда. Бул тууралуу “Дүйнөлүк көчмөндөр оюндарынын Эл аралык катчылыгы” коомдук бирикмесинин жетекчиси Нурсултан Аденов “Кабар” агенттигине берген маегинде билдирди.
Ал ушул тапта көчмөндөр оюндарына даярдыктар кызуу жүрүп жатканын айтып, бул жолу кандай улуттук оюндар, маданий программалар кошула турганын, алардын өзгөчөлүгүн, 80ден ашык өлкөдөн келе турган конокторду тосуп алуу жана узатууга даярдыктар, көчмөн цивилизациясынын дүйнөлүк аренадагы орду тууралуу кенен айтып берди.
