Бишкек, 16.06.25. /Кабар/. Нарын облусунда 3 жаңы көмөк чордон пайдаланууга берилди. Бул тууралуу Энергетика министрлигинен билдиришти.
Министр Таалайбек Ибраев көмөк чордондордун ачылышы аземине катышып, алар Кытай - Кыргызстан - Өзбекстан темир жолунун курулушуна зарыл болгон электр энергиясы менен камсыз кылуу үчүн курулганын белгиледи.
Алар:
- Ат-Башы районундагы 10 МВА кубаттуулуктагы 110/35 кВ "Коргон-Таш" көмөк чордондону. Ал Нарын электр тармактар ишканасынын 110 кВ ”Ала-Тоо- Торугарт” аба чубалгысына кошулду;
- Ак-Талаа районунда курулган 20 МВА 110/35 кВ "Кош-Дөбө" көмөк чордону Нарын электр тармактар ишканасынын 110 кВ "Үгүт-Ала-Буга" аба чубалгысынан камсыздалды;
- Тогуз-Торо районунда курулган 16 МВА 110/35 кВ "Чет-Булак" көмөк чордону Нарын ЭТИна тийиштүү 110 кВ “Жетиген-Ала-Буга” аба чубалгысынан электр энергиясы менен камсыз болду.
