Бишкек, 29.06.26. /Кабар/. Курулуш, архитектура жана турак жай-коммуналдык чарба министри Нурдан Орунтаев Манас шаарында курулуп жаткан жаңы мектептердин курулуш иштеринин жүрүшүн текшерди. Бул тууралуу аталган министрликтен билдиришти.
Маалыматка ылайык, министр курулуштун сапатына, колдонулуп жаткан курулуш материалдарына жана иштердин жүрүшүнө баа берди. Ошондой эле курулуш темпин күчөтүү жана объектилерди белгиленген мөөнөттө сапаттуу бүткөрүү боюнча подрядчы уюмдарга эскертүүлөрдү берди.
Белгилей кетсек, президент Садыр Жапаровдун тапшырмасы боюнча быйыл Манас шаарында республикалык бюджеттин эсебинен жалпы 6 жаңы мектеп курулууда.
