Бишкек, 06.10.26. /Кабар/. Бүгүн Манас шаарында Ж.Болотов атындагы №21 жалпы билим берүү мектебинин 375 орундуу жаңы окуу корпусу ачылды.
Курулуш министрлигинен билдиришкендей, жаңы корпус үч кабаттуу болуп, анда окуучулар үчүн бардык зарыл шарттар каралган. Мектепте окуу класстары, спорт жана жыйындар залдары, лабораториялык, компьютердик, эмгек жана музыка кабинеттер, ошондой эле медициналык кабинет жайгашкан.
Имаратта заманбап конструктивдик жана инженердик чечимдер колдонулуп, 102 кВт кубаттуулуктагы күн панелдери орнотулган.
Жаңы корпус эки нөөмөттө иштеген шартта 700гө жакын окуучунун билим алуусуна мүмкүнчүлүк түзүп, мектептеги орун тартыштыгын азайтууга өбөлгө түзөт.
Белгилей кетсек, объекттин курулушу 2026-жылдын жаз айында башталып, республикалык бюджеттин эсебинен каржыланды. Долбоор Курулуш иштерин министрлиги тарабынан ишке ашырылды.
