Бишкек, 15.10.26. /Кабар/. Кыргызстанда 2026-жылдын январь-сентябрь айларында курулуш тармагындагы иштердин көлөмү өткөн жылдын ушул мезгилине салыштырмалуу 1,6 эсеге көбөйдү. Бул тууралуу Улуттук статистика комитетинен билдиришти.
Маалыматка ылайык, ушул мезгилде айыл чарба тармагы 6,5%га, дүң жана чекене соода 4,2%га өскөн.
Ал эми өнөр жай продукциясын өндүрүүнүн көлөмү 685,4 млрд сомду түзүп, физикалык көлөмдүн индекси 107%ды түздү.
Ошондой эле өнөр жайда химиялык продукцияларды өндүрүү 2,3 эсеге, тазаланган мунай продуктуларын өндүрүү 1,9 эсеге көбөйгөн.
