Бишкек, 29.09.26. /Кабар/. Кыргызстан менен Сауд Аравиясы энергетика тармагына инвестиция тартуу жана биргелешкен долбоорлорду ишке ашыруу мүмкүнчүлүктөрүн талкуулады.
Маселе энергетика министри Алтынбек Рысбековдун Сауд Аравиясынын Кыргызстандагы элчиси Ияд бин Гази бин Сулайман бин Хаким менен жолугушуусунда көтөрүлдү.
Ведомствонун маалыматына караганда, анда энергетикалык инфраструктураны өнүктүрүү жана генерациялоочу кубаттуулуктарды куруу жана модернизациялоо маселелери каралды.
Ошондой эле Сауд өнүктүрүү фонду менен кызматташуу, энергияны топтоо системаларын киргизүү жана энергетикалык натыйжалуулукту жогорулатуу боюнча долбоорлор талкууланды.
Мындан тышкары, Кыргызстандын 11-15-октябрда Эр-Риядда өтө турган 25-Дүйнөлүк энергетика конгрессине катышуу мүмкүнчүлүгү каралды.
Жолугушуунун жыйынтыгында тараптар конкреттүү инвестициялык долбоорлорду иштеп чыгуу боюнча кызматташууну улантууга макулдашты.
