Бишкек, 11.12.25. /Кабар/. Бүгүн Кыргызстандын ички иштер министринин орун басары Нурбек Абдиев менен АКШнын Кыргызстандагы элчилигинин баңгизаттардын эл аралык жүгүртүүсүнө жана укук коргоо ишмердүүлүгүнө каршы күрөшүү бөлүмүнүн директору Мелисса Кроуфорд менен жолукту.
Ведомстводон маалымдашкандай, жолугушуунун жүрүшүндө тараптар эки тараптуу кызматташтыктын актуалдуу багыттарын, анын ичинде киберкылмыштуулукка, адам сатууга, баңгизаттардын мыйзамсыз жүгүртүүсүнө каршы аракеттенүү жана транс улуттук коркунучтарга биргелешип жооп кайтаруу маселелерин талкуулашты.
Жолугушууга ИИМдин Баңгизаттарды мыйзамсыз жүгүртүүгө каршы күрөшүү кызматынын, Эл аралык кызматташтык Башкы башкармалыгынын жетекчилери жана Кылмыш иликтөө башкы башкармалыгынын жетекчи кызматкерлери катышты.
