Бишкек, 15.04.26. /Кабар/. Өзгөн районунда муниципалдык жана инвестициялык долбоорлорду ишке ашырууга басым жасалууда. Бул тууралуу район акими Каныбек Апбасов президент Садыр Жапаровго Өзгөн районунун социалдык-экономикалык өнүгүү абалы менен тааныштырганда билдирди.
Аким белгилегендей, Жазы айыл аймагында муниципалдык мал базары курулат. Ал эми Төрт-Көл айыл аймагында ”Береке” муниципалдык базары пайдаланууга берилет.
Ошондой эле Өзгөн күрүчүн таңгактоо жана экспорттоо боюнча “Eco Uzgen Kuruch” муниципалдык ишканасы ишке киргизилет.
