Бишкек, 17.10.25. /Кабар/. Өлкө боюнча “Коопсуз шаар” долбоорунун алкагында 3 миңден ашуун камера орнотулган. Бул тууралуу ИИМдин коомдук коопсуздук кызматынын башчысынын орун басары Алмаз Батырбаев “Кабар” агенттигине берген маегинде билдирип, эми кооптуу аймактарга, жол боюндагы ээн талааларга жана Бишкек шаарындагы жаңы конуштарга да камера орнотуу пландалып жатканын айтты.
Камералар кылмышты аныктоодо жана жол эрежелерин көзөмөлдөөдө чоң жардам берет. Айрым учурларда кылмышка шектүүлөрдү тез арада кармоого мүмкүн болуп жатканы да белгиленүүдө. Алмаз Батырбаев, бул – жүз таануу технологиясы жана ыкчам иш алып баруунун натыйжасы экенин, камералар кылмышкердин жүзүн таанып, аны маалымат базалары менен салыштырып, шектүүлөрдү тез арада аныктоого мүмкүнчүлүк берээри тууралуу кенен айтып берди.
