Бишкек, 01.02.25. /Кабар/. Кыш мезгилинде үйдө өрт чыгуу коркунучу күчөйт. Көп учурда бул электр жабдууларын пайдалануу жана меш жылытуу эрежелерин бузуудан башталат.
Мындан улам Өзгөчө кырдаалдар министрлиги өрт коопсуздугунун эрежелерин сактоону эскертти.
- мешти күнүнө 3-4 жолу бир жарым сааттан ашык эмес жылытуу;
- мештин жанына отун сактабаңыз, анын үстүнө кийимдерди кургатпаңыз;
- дубалында жана морунда жарака кеткен, бузулган мешти колдонбоңуз;
- жылыткычтарды эмеректердин жанына койбоңуз;
- электр энергиясына ашыкча күч келтирбеңиз;
- күйүп жаткан мештерди жана жылыткычтарды кароосуз калтырбаңыз, аларга көзөмөл кылууну балдарга тапшырбаңыз.
