Бишкек, 25.09.26. /Кабар/. Бишкек шаарынын Көк-Жар айылында 750 орундуу жаңы мектептин курулушу аяктады.
Курулуш министрлдигинен билдиришкендей, мектептин курулушу 2026-жылдын февраль айында башталган. Объект республикалык бюджеттин эсебинен каржыланды.
Долбоорго ылайык, жалпы аянты 3348,9 чарчы метрди түзгөн үч кабаттуу мектеп имараты салынды. Анда заманбап окуу класстары, лабораториялар, китепкана, азык-түлүк сактоочу кампасы менен ашкана, компьютердик класстар, жыйындар залы, эмгек класстары жана спорт залы бар.
Учурда объектиде сырткы көрктөндүрүү, ички жасалгалоо жана мектепти жууп-тазалоо иштери аткарылууда.
