Бишкек, 07.07.26. /Кабар/. Бүгүн кечинде АКШ, Канада жана Мексика биргеликте өткөрүп жаткан футбол боюнча дүйнө чемпионатынын 1/8 финалы акыркы эки оюн менен аяктайт.
Адегенде дүйнөнүн акыркы чемпиону Аргентина менен Египеттин курама командалары кездешет. "Атланта" стадионунда өтө турган беттеш Бишкек убактысы боюнча саат 22:00дө башталат.
Ал эми 8-июлга караган түнү Швейцария курамасы Колумбия командасы менен күч сынашат. Ванкувердеги "BC Place" стадионунда өтүүчү оюн саат 02:00дө башталат. Ушуну менен чейрек финалга чыга турган акыркы жуп белгилүү болот.
Буга чейин чейрек финалга Марокко, Франция, Англия, Норвегия, Испания жана Бельгиянын курама командалары жолдомо алышкан.
Дүйнө чемпионаты 19-июлда аяктайт.
