Бишкек, 21.07.26. /Кабар/. Манас районуна караштуу Кара-Арча айылында жаңы бала бакча курулду. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, объект 50 орунга ылайыкталып, жалпы наркы 22,8 млн сомду түзөт.
"Бала бакчанын курулушу 2025-жылдын сентябрь айында башталган. Бүгүнкү күндө курулуш иштери дээрлик толугу менен аяктап, учурда айланасын көрктөндүрүү иштери жүргүзүлүүдө", - деп айтылат маалыматта.
Имаратта уктоочу бөлмөлөр, тарбиялык сабактарды өткөрүүчү бөлмөлөр, медициналык кабинет, ашкана жана кабыл алуу бөлмөсү каралган.
