Бишкек, 21.10.26. /Кабар/. Күн мурун Экономика жана коммерция министрлигинде Евразия экономикалык комиссиясынын, мамлекеттик органдардын жана бизнес өкүлдөрүнүн катышуусунда жолугушуу өттү.
Ведомстводон билдиришкендей, жолугушууга министрдин орун басары Султан Ахматов жана ЕЭКтин соода боюнча министри Андрей Слепнев катышты. Ишкерлер өз көйгөйлөрүн түздөн-түз айтып, аларды чечүү жолдорун мамлекеттик органдар жана ЕЭК өкүлдөрү менен талкуулашты.
Жолугушууда төмөнкү маселелер талкууланды:
- Жеңил өнөр жай продукциясын экспорттоо;
- Жүк ташуудагы тоскоолдуктар жана антидемпингдик алымдар;
- Россиядагы СПОТ системасынын колдонулушу;
- ЕАЭБ алкагындагы кооперациялык долбоорлорду колдоо.
