Бишкек, 18.02.25. /Кабар/. 2025-жылдын январында мурунку айга салыштырмалуу ЕАЭБдин бардык мүчө өлкөлөрүндө керектөө бааларынын жана тарифтеринин жогорулашы катталды.
Статистика комитетинин маалыматына ылайык, Кыргызстанда баанын өсүшү (0,6 пайызга) белгиленди, бул азык-түлүк товарлардын бааларынын өсүшү менен шартталды.
Ошондой эле, 2025-жылдын январында 2024-жылдын январына салыштырмалуу экономиканын керектөө секторунда инфляциянын эң жогорку деңгээли (9,9 пайыз) Россияда катталып, негизинен азык-түлүк товарларынын баалары (анын ичинде алкоголдук ичимдиктери жана тамеки азыктары) - 11,1 пайызга эң көп жогорулаган.
Азык-түлүк эмес товарларга баалардын (8,4 пайызга) жана кызмат көрсөтүүлөргө тарифтердин (13,8 пайызга) максималдуу өсүшү Казакстанда катталган.
