Бишкек, 14.07.26. /Кабар/. Талас районундагы Чат-Базар – Арал – Талды-Булак унаа жолунун 5 чакырым аралыгы асфальтталды. Бул тууралуу Транспорт жана коммуникациялар министрлигинен билдиришти.
Мындан тышкары, райондогу Беш-Таш мамлекеттик жаратылыш паркына алып баруучу 10 чакырым унаа жолго асфальт төшөө боюнча даярдык иштери жүрүп жатат.
"Учурда жолдун негизин даярдоо, жер кыртышын тегиздөө жана кеңейтүү сыяктуу жер жумуштары аткарылууда", - деп айтылат маалыматта.
Ошондой эле Көк-Ой – Кызыл-Туу унаа жолунун планга кирген тилкесине асфальт төшөлүп бүттү. Ал эми Кызыл-Туу – Манас-Ордо унаа жолунда жер жумуштары уланууда.
Аталган жолдордо курулуш иштери бекитилген графикке ылайык министрликтин көзөмөлүндө жүргүзүлүүдө.
