Бишкек, 03.02.25. /Кабар/. 2024-жылы прокуратура органдары тарабынан мыйзамсыз берилген жерлерди мамлекетке кайтаруу боюнча бир топ иштер жүргүзүлдү.
Ведомстводон маалымдашкандай, натыйжада жалпы 4 488,13 га жер мамлекеттин менчигине кайтарылган. Анын ичинде:
- 147,2 га калктуу конуштардын жери (1,1 млрд сом);
- 1 235,14 га айыл чарба жерлери (6,2 млрд сом);
- 631,91 га өнөр жай жана башка максаттагы аймактар (3 млрд сом);
- 2 309,02 га суу фондуна караштуу жерлер (7,9 млрд сом);
- 161,05 га токой фондуна тиешелүү жерлер (1 млрд сом).
Мындан тышкары, жалпы баасы 983,6 млн сом болгон 43 социалдык объект (мектептер, бала бакчалар, медициналык жайлар жана спорт комплекстери) мамлекеттин жана муниципалитеттердин менчигине кайтарылды.
Прокуратуранын ишмердүүлүгү мындан ары да мыйзамдуулукту чыңдоого, жарандардын социалдык укуктарын коргоого жана ар кандай мыйзам бузуулардын алдын алууга багытталат.
