Ушул тапта Бишкектин борбордук аянтындагы Манастын эстелиги жана анын астындагы жер төлөдө реконструкциялоо иштери кызуу жүрүп жатат. Андагы оңдоо иши үстүбүздөгү жылдын март айында башталган.
Бишкек шаардык мэриясынын Капиталдык курулуш башкармалыгынын жетекчисинин орун басары Болотбек Апиловдун айтымында, азыркы учурда курулуш материалдары, техникалар жана жумушчулар жетиштүү. Иш өз мөөнөтүндө аяктай турганы белгиленди.
Атай кетсек, буга чейин Ала-Тоо аянтындагы Манастын эстелигинин астындагы жер төлөгө суу кирип, конструкциялардын бузулуусуна алып келгенин, эстелик турган жердин асты урап калышы мүмкүн экени кабарланган.
