Бишкек, 29.01.25. /Кабар/. «Бишкек шаардык транспорт» муниципалдык ишканасы коомдук транспорт кызматтарынын сапатын жакшыртуу максатында рейддик иш-чараларды өткөрүүдө.
Муниципалитеттен билдиришкендей, рейддин жүрүшүндө автобустардын аялдамаларда туура токтоосу, транспорттун санитардык абалы, айдоочулардын кызматтык атайын формасы жана жүргүнчүлөрдүн жол кире төлөөсү боюнча текшерүү жүргүзүлдү.
Текшерүүнүн жүрүшүндө эрежелерди бузган жана кызматтык форма кийбеген айдоочуларга актылар түзүлдү. Эгерде мыйзам бузуулар улана берсе, аларга карата тиешелүү чаралар көрүлөт.
Белгилей кестек, бул рейддик иш-чаралар кызмат көрсөтүү маданиятын жогорулатуу жана жүргүнчүлөрдүн коопсуздугун камсыз кылуу үчүн уюштурулган.
Эске салсак, мындай иш-чаралар ар аптанын шейшемби, бейшемби жана жума күндөрү өткөрүлөт.
