Бишкек шаарындагы борбордук "Ала-Тоо" аянтында 20-июлга караган түнү 2026-жылдагы футбол боюнча дүйнө чемпионатынын финалдык беттеши чоң экранда түз көрсөтүлдү.
Бул жылкы дүйнөлүк биринчиликке катышкан 48 курама команданын ичинен суурулуп чыккан Испания жана Аргентина курамалары чечүүчү оюнда кез келди. Чоң экрандан көрсөтүлгөн бүйүр кызыткан тарыхый беттешти көрүү үчүн борбор калаанын жүздөгөн тургундары жана коноктору аянтка чогулушту.
"Кабар" маалымат агенттигинин сүрөтчүсү футбол күйөрмандарынын эмоцияга толгон майрамдык маанайын тасмага тартып алды.
