Бишкек, 27.01.25. /Мээрим Дүйшөналиева — Кабар/. Бишкекке дагы 20 даана жаңы ISUZU автобустары келе жатат. Бул тууралуу мэр Айбек Жунушалиев билдирди.
Анын айтымында, буга чейин 12 метрлик 3 эшиктүү 43 автобус борбор калаага келген. Жыл соңуна чейин макулдашылган 85 даана ISUZU автобустары толугу менен алып келинет.
"Жолдо дагы 20 жаңы автобус келе жатат. Жыл аягына чейин 85 автобус толугу менен келип бүтөт. Бул автобустарды экспресс каттамдарга колдонобуз. Жакын арада эле биз Сокулукка экспресс каттамдарды ачканбыз. Дагы жаңы автобустар келгенде аэропорт сыяктуу узак жерлерге жол жүрө турган каттамдарга ушул автобустарды коёбуз", - деди Айбек Жунушалиев.
