Бишкек, 09.09.26. /Кабар/. Бишкек шаарынын мэриясында бир катар кадрдык дайындоолор болду. Бул тууралуу муниципалитеттен билдиришти.
Мэр Айбек Жунушалиев тиешелүү тескемесине ылайык:
- Асел Майнаева — Муниципалдык менчик башкармалыгынын Турак жай фонду бөлүмүнүн башчысы;
- Марлен Айбеков — Муниципалдык менчик башкармалыгынын башчысы;
- Уран Мусаев — Шаардык чарба департаментинин директору;
- Лилия Кучкачова — Жеке турак жай курулуш жана шаар куруу департаментинин директору;
- Азамат Осмоналиев — Шаар куруу, архитектура жана жер пайдалануу бөлүмүнүн башчысы;
- Азамат Бейшембаев — Контролдоо жана уюштуруу иштери башкармалыгынын башчысы;
- Олжас Маратов — аталган башкармалыктын Контролдоо жана уюштуруу иштери бөлүмүнүн башчысы;
- Руслан Кудайбергенов — Коррупцияга каршы аракеттенүү, укуктук тартип жана өзгөчө кырдаалдар бөлүмүнүн башчысы болуп дайындалды.
Ошондой эле Абдес Анарбеков өз каалоосу менен ээлеген кызматынан бошотулду.
Белгиленгендей, кадрдык чечимдер шаардык башкаруунун натыйжалуулугун жогорулатууга багытталган.
