Бишкек, 21.11.25 /Кабар/. Бишкек мэри Айбек Жунушалиев участкалык шайлоо комиссияларынын 30-ноябрдагы Жогорку Кеңештин депутаттарын мөөнөтүнөн мурда шайлоого карата даярдыгын текшерди. Бул тууралуу мэриянын басма сөз кызматынан билдиришти.
Маалыматта белгиленгендей, ал Кусеин Карасаев атындагы Бишкек мамлекеттик университетинин имаратында жайгашкан №1046 жана Койбагаров көчөсү, 35 дарегиндеги №26 мектепте жайгашкан №1123 шайлоо тилкелерине барды.
Текшерүүнүн жыйынтыгында мэр материалдык-техникалык камсыздоого өзгөчө көңүл бурууну, интернетке туташтырууну көзөмөлгө алууну, ошондой эле объектилердин айланасын иретке келтирүүнү тапшырды.
