Бишкек, 06.10.26 /Кабар/. Кечээ, 5-октябрда "Бишкек Арена" стадионунун ачылыш аземине барган жарандар үчүн Бишкек шаарынын мэриясы тарабынан акысыз коомдук транспорт уюштурулду.
Муниципалитеттин маалыматына ылайык, шаар боюнча 700 автобус каттамга чыгарылды.
Жарандардын иш-чара өтүүчү жерге ыңгайлуу жана өз убагында жетүүсүн камсыз кылуу максатында автобустар шаардагы 10 жерден "Бишкек Арена" стадионуна чейин жана кайра баштапкы багыттары боюнча каттады.
Жарандарды стадионго жеткирүү саат 15:00дөн 18:00гө чейин жүргүзүлүп, автобустар толушуна жараша, 4–6 мүнөттүк аралык менен жөнөп турган.
