Бишкек, 01.10.26. /Кабар/. Жалал-Абад облусунун Базар-Коргон районундагы Катар-Жаңгак айылында жайгашкан №32 Ж.Канашев атындагы орто мектептин жаңы имаратынын курулушу аяктады.
Курулуш министрлигинен билдиришкендей, имаратта эки кабаттуу окуу корпусу жана спорттук зал жайгашкан. Мектеп 225 окуучуга ылайыкталып, эки нөөмөттө 450 окуучуга билим берүүгө мүмкүнчүлүк түзүлөт.
Жаңы имаратта заманбап окуу класстары, спорт залы, сахна жана башка кошумча бөлмөлөр каралган. Имараттын жалпы аянты 2201 чарчы метрди түзөт.
Объектинин курулушу республикалык бюджеттин эсебинен каржыланды. Учурда мектепти пайдаланууга берүү боюнча даярдык иштери аткарылууда.
