Бишкек, 06.08.26 /Кабар/. 5–7-август күндөрү Чолпон-Ата шаарында өтүп жаткан VIII Кыргызстан–Россия экономикалык форумунун жана XII Кыргызстан–Россия аймактар аралык конференциясынын алкагында уюштурулган эл аралык көргөзмө-жарманкеге Баткен облусунан атайын делегация катышууда.
Президенттин Баткен облусундагы өкүлчүлүгүнөн билдиришкендей, облус башчысы Мамыржан Рахимов баштаган делегациянын курамында облус аймагындагы өндүрүш ишканалары өз продукцияларын көргөзмөгө сунуштады.
Көргөзмө-жарманкеде Баткен облусунун продукциялары министрлер кабинетинин төрагасы Адылбек Касымалиев жана Россия өкмөтүнүн төрагасынын орун басары Алексей Оверчук таанышты.
Көргөзмөгө Баткен облусунан төмөнкү ишканалар катышууда:
• Кадамжай районундагы "Ак-Турпак Групп" ЖЧКсы;
• Кадамжай районундагы "ALPELDEN" ЖЧКсы;
• Кадамжай районундагы "Айдаркен сымап комбинаты" ААК;
• Баткен районундагы "Batken Natural KG" ЖЧКсы.
Көргөзмө-жарманкенин негизги максаты – жергиликтүү өндүрүлгөн продукцияларды кеңири таанытуу, экспорттук мүмкүнчүлүктөрдү кеңейтүү, жаңы өнөктөштөрдү тартуу жана Кыргызстан менен Россиянын аймактарынын ортосундагы соода-экономикалык кызматташтыкты чыңдоо болуп саналат.
Иш-чаранын алкагында катышуучулар кызматташтыкты өнүктүрүүгө багытталган эки тараптуу жолугушууларга жана сүйлөшүүлөргө катышууда.
