Бишкек, 09.04.26. /Кабар/. ИИМдин Медициналык башкармалыгында ички иштер органдарынын кызматкерлеринин арасында санитардык нускоочуларды даярдоо боюнча практикалык сабактар өткөрүлдү. Бул тууралуу аталган министрликтен билдиришти.
Ведомствонун маалыматына ылайык, сабактарда медициналык башкармалыктын кызматкерлери жаракат алгандарга алгачкы жардам көрсөтүү, кан кетүүнү токтотуу жана таңуу ыкмалары, жүрөк жана дем алуу токтогондо жасалма дем алдыруу, электр тогу урганда, ууланууда жана тоңуп калууда көрсөтүлүүчү алгачкы жардам боюнча кеңири маалымат беришти.
Министрлик мындай иш-чаралар бардык түзүмдөрдө улантыларын белгилейт.
