Бишкек, 15.09.26. /Кабар/. Аламүдүн районуна караштуу Мрамор айылындагы жаңы ачылган мектепке 10 даана компьютер белек кылынды.
Жогорку Кеңештен билдиришкендей, компьютерлерди депутат Токтобүбү Ашымбаева берди.
Эл өкүлү ошондой эле жергиликтүү бийлик өкүлдөрү, мугалимдер жамааты, ата-энелер жана айыл тургундары менен жолугушуп, мектептин материалдык-техникалык базасын чыңдоо, окуучулар үчүн заманбап билим алуу шарттарын түзүү жана билим берүү процессине санариптик технологияларды киргизүү тууралуу пикир алышты.
Депутат аталган багыттагы иштерди колдоого алуунун маанилүүлүгүн белгилеп, жаңы компьютерлер окуучулардын билим алуусуна жана заманбап технологияларды өздөштүрүүсүнө өбөлгө түзөрүнө ишенерин билдирди.
