Бишкек, 26.03.25. /Кабар/. Билим берүү жана илим министри Догдургүл Кендирбаева өлкөнүн түштүк аймагына болгон иш сапарынын алкагында Алай районунун Сопу-Коргон айылындагы №3 Токтогул атындагы орто мектепке барды.
Мекемеден билдиришкендей, министр мектепти жана мектептин күнөсканасын көрүп чыкты.
Мектептин директору Кыялбек Садырбеков бул күнөскана 2023-жылы түзүлгөнүн айтып, мында окуучулар бадыраң, помидор жана гүл өстүрүшөт.
Анын айтымында, бул киргизилген жаңылык балдарды өсүмдүктөргө кам көрүүгө үйрөтүп, эмгекке тарбиялайт.
Догдуркүл Кендирбаева мектепте күнөскана уюштуруу жакшы тажрыйба экенин белгиледи.
«Бул күнөскана мектеп окуучуларын экологиялык жактан таза продукция менен камсыз кылат. Мындан тышкары, бул питомник биологияны окутуунун практикалык жери болуп саналат жана предметти кызыктуу жана билимдүү кылат», - деди ал.
Ошондой эле балдарга STEM предметтерин окутуу ушундай практикалык түрдө жүргүзүлүшү керектигин белгилеп, окуучулар Ага Хан Фондунун максаттуу мектептеринин биринде Мектеп2030 программасынын алкагында уюштурулган күнөсканада жашылча багып жатышканын белгиледи.
