Бишкек, 13.07.26. /Кабар/. Кыргызстандын грек-рим күрөшү боюнча улуттук курама командалары Венгрияда өтө турган эл аралык рейтингдик мелдешке катышат.
Дене тарбия жана спорт департаментинен билдиришкендей, мелдеш 16-20-июль күндөрү Будапешт шаарында өтөт.
Мелдешке өлкө намысын коргоо үчүн башкы машыктыруучу Улук Карачолоков жана улук машыктыруучу Арсен Эралиевдин жетекчилиги астында 10 балбан аттанды.
Курама команданын курамы:
- Жоламан Шаршенбеков (60 кг);
- Автандил Таалайбек уулу (63 кг);
- Раззак Бейшекеев (72 кг);
- Алибек Бердиев (77 кг);
- Акжол Махмудов (82 кг);
- Ырыскелди Максатбек уулу (82 кг);
- Асан Жанышев (87 кг);
- Үзүр Жусупбеков (97 кг);
- Нурболот Токтогонов (130 кг);
- Эрлан Манатбеков (130 кг).
Турнир балбандар үчүн эл аралык рейтингдеги упайларын жогорулатууга чоң өбөлгө түзөт.
