Бишкек, 21.09.26. /Кабар/. Кыргызгидромет кызматы бүгүн, 21-сентябрга карата күтүлгөн аба ырайы тууралуу маалымат таратты.
Бүгүн өлкөнүн тоолуу райондорунда өткүн өтүп, күн күркүрөйт. Ал эми дыйканчылык аймактарда жаан-чачын күтүлбөйт. Бул тууралуу Кыргыз гидрометеорология кызматы билдирди.
Батыштан соккон шамалдын ылдамдыгы күндүз айрым жерлерде 15-20 метрге жетиши күтүлөт.
Жалпысынан алганда абанын температурасы Чүй облусунда +25...+30, Ош, Жалал-Абад, Баткен облустарында +28...+33, Талас облусунда +24...+29, Ысык-Көл облусунда +23...+28, Нарын облусунда +21...+26 градуска жетет.
Ал эми Бишкек шаарында абанын температурасы+26...+28 градус болот.
