Бишкек, 23.01.26. /Кабар/. Ички иштер органдары эл аралык, мамлекеттик жана расмий маанидеги 120дан ашуун массалык иш-чараларда коомдук тартипти жана коопсуздукту камсыздады. Бул тууралуу ИИМде 2025-жылдагы ишмердүүлүктүн жыйынтыгы боюнча коллегиялык отурумда айтылды.
Ведомствонун маалыматында белгиленгендей, жыйында ички иштер министри Улан Ниязбеков 2025-жылы жүргүзүлгөн иштердин негизги жыйынтыктарына токтолуп, ички иштер органдары коопсуздукту камсыздоодо жаңы ыкмаларды жана санариптик чечимдерди кеңири колдонууга өткөнүн белгиледи.
Кошумчалай кетсек, ички иштер органдарынын 2025-жыл ичинде аткарган ыкчам-кызматтык ишмердүүлүгүнүн жыйынтыгын чыгарган отурумга министрлер кабинетинин төрагасы Адылбек Касымалиев, ИИМдин жетекчилик курамы, ички иштер органдарынын башчылары катышууда.
