Бишкек, 02.02.25. /Кабар/. 2024-жылы Нарын облусунда өндүрүш, кайра иштетүү, тейлөө багыттында 90 чакан ишкана ачылган.
Президенттин аймактагы өкүлчүлүгүнөн билдиришкендей, анын негизинде 1237 жаңы жумушчу оруну түзүлгөн. Бул 2023-жылга салыштырмалуу 22 ишканага жана 70 жумуш ордуна көп.
Анын ичинде Ат-Башы эл аралык логистикалык борборундагы "Нарын мото" заводу ишке кирип, алгачкы продукцияларын өндүрүп жатат. Ошондой эле курулуш тетиктерин, темир-бетон, нан чыгаруучу, эт жана сүттү кайра иштетүүчү ишканалар ачылды.
