Бишкек, 01.10.26. /Кабар/. Кыргызгидромет кызматы бүгүн, 1-октябрга карата күтүлгөн аба ырайы тууралуу маалымат таратты.
Ага ылайык, бүгүн күндүз Чүй, Жалал-Абад облустарынын айрым, Ош, Ысык-Көл, Нарын облустарынын көпчүлүк жерлеринде жамгыр, бийик тоолуу райондорунда кар аралаш жаан жаайт.
Абанын температурасы Чүй, Ош, Жалал-Абад, Баткен облустарында +20...+25, Талас облусунда +18...+23, Ысык-Көл менен Нарын облусунда +15...+20 градус болот.
Ал эми Бишкек шаарында абанын температурасы+22...+24 градуска жетет.
