Турсунбеков: Өндүрүштү колго алып, өнөр-жайды өнүктүрөлү

576 кароо Жогорку Кеңеш 0

Бишкек, 19.10.17 /Кабар/. Өндүрүштү колго алып, өнөр-жайды өнүктүрөлү. Бул тууралуу бүгүн, 19-октябрда Жогорку Кеңештин жалпы жыйынында Төрага Чыныбай Турсунбеков билдирди.

Ошондой эле, 26 жылда тыштан алынган 9 млрд. доллардан ашык өлчөмдөгү каржынын 117 млн. доллары гана өлкөнүн өнөр-жай тармагына жумшалганын эске салган Төрага Чыныбай Турсунбеков: “Кайсы мамлекеттин экономикасы болбосун, өнөр-жай тармагы өнүгүүнүн баштапкы тиреги болуп эсептелет. Бирок бизде тыштан алынган акчанын бир пайызы гана өнөр-жайды өнүктүрүүгө жумшалганын натыйжасында өзүбүздүн өндүрүшүбүз аксап келет. Өлкөбүз чет жерден ташылган товарларга муктаж болуп, ишкерлерибиздин иши оор. Андыктан, бул маселеге Өкмөт өзгөчө көңүл буруп, өнөр-жай тармагын өнүктүрүүнү колго алышы зарыл” – деди.

Андан тышкары, ЕАЭБ алкагында да өнөр-жайды күчтөндүрүү аркылуу, атаандаштыкка карата туруктуулукту жогорулатууга болорун айткан Жогорку Кеңеш Төрагасы, өлкөнү өнүктүрүүгө багытталган мыйзамдарды кабыл алуудан тышкары, аны жүзөгө ашырууга карата жигердүү аракеттерди көрүү керектигин кошумчалады.

Пикир

Оставить комментарий