Үй-бүлөдө бир учурда үчтөн ашык бала төрөлсө, ар бирине 50 миң сомдон төлөнөт

Өкмөт 2

Бишкек, 19.11.19. /Кабар/. Кыргыз Республикасынын Өкмөтү үй-бүлөдө бир учурда үч же андан ашык бала төрөлгөн шартта ар бир балага 50 000 (элүү миң) сомдон бир жолку «балага сүйүнчү» жөлөкпулун төлөп берет. Тиешелүү чечимге премьер-министр Мухаммедкалый Абылгазиев кол койду, - деп маалымдайт өкмөттүн аппаратынын маалыматтык камсыздоо бөлүмү билдирет.

Чечим 2019-жылдын 1-декабрында күчүнө кирет.

Бул жардам үй-бүлөлөргө эрте өнүгүү мезгилинде социалдык-экономикалык колдоо көрсөтүүгө багытталган.

Белгилей кетсек, үй-бүлөлөрдү социалдык-экономикалык колдоо, балдарды толук кандуу өнүктүрүү, алардын кызыкчылыктарын жана укуктарын коргоо, алардын саламаттыгы, билим берүү, тарбиялоо, коопсуздук маселелерин чечүү боюнча чаралар Кыргыз Республикасынын Өкмөтүнүн социалдык саясатынын артыкчылыктуу багыттарынын бири болуп саналат.

Өкмөт социалдык коргоонун жана балдарды коргоонун институционалдык механизмдерин жакшыртуу иштерин жүргүзүп жатат.

Эскерте кетсек, үй-бүлөлөрдүн жетиштүүлүгүнө карабастан, бала төрөлгөндө бир жолку «балага сүйүнчү» жөлөкпулу берилет.

Ден соолугунан мүмкүнчүлүгү чектелген, дайыма кам көрүүгө муктаж болгон балдары бар ата-энелерди колдоого алуу максатында «персоналдык ассистент» кызматы киргизилди. Бул балага үй-бүлөсүнүн курчоосунда калууга шарт түзөт, аларга айлык акы төлөө маселеси чечилген.

Пикир

  • Искендерова бегай

    Искендерова бегай 3 weeks ago

    Колдойм

  • Гость

    Гость 3 weeks ago

    Эгиздерге Бишкек шаарынын мэриясы тарабынан берилчү бир жолку жөлөк пулду жөндөп алсаңар биринчи. Бюджетинерде акча жок бере албай отурасынар.

Оставить комментарий