Бишкек ЖЭБин модернизациялоо: Сапар Исаков сурак берип жатат

Укук тартиби 0

Бишкек, 31.10.19. /Кабар/. Бүгүн Бишкек шаарынын Свердлов райондук сотунда Бишкек Жылуулук электр борборун (ЖЭБ) модернизациялоо иши боюнча ачык соттук отурум өтүүдө. Сотто Инара Гилязетдинова төрагалык кылууда.

Сот отурумунда бардык айыпталуучулар, жактоочулар, мамлекеттик айыптоо жана жабырлануучу тарап катышууда.

Отурумда Сапар Исаковдун сурагы уланууда.

Сот ага суроо берүү тартибин белгиледи – биринчи болуп Исаковдун жактоочулары, андан кийин Ж.Сатыбалдиев, О.Артыков, А.Калиев, С.Авазов, Ж.Назаров, Т.Бримкуловдун жактоочулары суроо беришет. Андан кийин О. Лаврова жана мамлекеттик айыптоо тарабы суроо бермекчи.

Эскерте кетсек, эксперттердин тыянагы боюнча “Бишкек ЖЭБин модернизациялоо” долбоорун даярдоо, кол коюу жана ишке ашыруудагы коррупция фактысынан мамлекетке 5 млрд. 439 млн. сом көлөмүндөгү зыян келтирилген.

Мындан улам, мурунку премьер-министр Сапар Исаков, экс-премьер-министр Жантөрө Сатыбалдиев, ЖКнын депутаты Осмонбек Артыкбаев, Улуттук энерго холдингдин мурунку башчысы Айбек Калиев, “Электр станциялары” ишканасынын мурунку башкы директору Салайдин Авазов, Улуттук энерго холдингдин башчысынын мурунку орун басары Жолдошбек Назаров, Бишкек ЖЭБин модернизациялоо башкарма тобунун директору Темирлан Бримкулов жана мурунку финансы министри Ольга Лавроваларга кызмат абалын кыянаттык менен пайдалануу жана коррупция боюнча айып тагылууда.

Пикир

Оставить комментарий