12-октябрга карата Кыргызстанда күтүлгөн аба ырайы тууралуу маалымат

Коом 0

Бишкек, 11.10.19. /Кабар/. Эртең, 12-октябрда түнкүсүн Чүй, Ысык-Көл, Нарын облустарынын көпчүлүк аймактарында, Ош, Жалал-Абад облустарынын кээ бир райондорунда жамгыр жаап, тоолуу райондорунда кар түшөт. Талас, Баткен облустарында жаан-чачын күтүлбөйт. Ысык-Көл, Нарын облустарынын дыйканчылык аймактарында күн сууктап, жамгыр карга айланышы мүмкүн.

Кыргызгидромет борбору билдиргендей, күндүз Ысык-Көл облусунун көпчүлүк аймактарында, Чүй, Нарын облустарынын кээ бир райондорунда жамгыр жаап, тоолуу райондорунда кар түшөт, калган аймактарда жаан жаабайт. Батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге жетет.

Абанын температурасы Чүй облусунда түнкүсүн 4…9, күндүз 13…18, Талас облусунда түнкүсүн 2…7, күндүз 13…18 градус болот.

Ысык-Көл облусунда түнкүсүн 2…7, күндүз 9…14 градус, Нарын облусунда түнкүсүн 1…6, күндүз 9…14 градуска жетет.

Ал эми Ош, Жалал-Абад жана Баткен облустарында абанын температурасы түнкүсүн 7…12, күндүз 19…24 градус жылуу болушу күтүлөт.

Борбор калаабыз Бишкекте жамгыр жаабайт. Абанын температурасы түнкүсүн 7…9 градус, күндүз 16…18 градус болот.

Пикир

Оставить комментарий